Աղմկահարույց սպանություններ․ Բերդյանսկի փոխքաղաքապետին և նրա կնոջը մահացած են գտել

Զապորոժիեի շրջանի Բերդյանսկում սպանվել է բնակարանաշինության և կոմունալ ծառայությունների գծով փոխքաղաքապետ Օլեգ Բոյկոն, հայտնում է РИА Новости-ն՝ հղում անելով իր աղբյուրին։

Քաղաքային իշխանությունները հաստատել են պաշտոնյայի մահը։ Բոյկոյի հետ միասին մահացել է նաև նրա կինը, ով ղեկավարել է ՏԻՄ ընտրական հանձնաժողովը։

Ավելի վաղ՝ սեպտեմբերի 16-ին, Լուգանսկի Ժողովրդական Հանրապետության գլխավոր դատախազ Սերգեյ Գորենկոն մահացել էր իր աշխատասենյակում տեղի ունեցած պայթյունից։ Մահացել է նաեւ նրա տեղակալ Եկատերինա Ստեգլենկոն։ Ռումբը պայթել է դատախազության ղեկավարության հանդիպման ժամանակ։