Թուրքիան կմասնակցի Ռուսաստանից Պակիստան գազատարի կառուցմանը. The Frontier Post

Պակիստանի վարչապետ Շահբազ Շարիֆը և Թուրքիայի նախագահ Ռեջեփ Թայիփ Էրդողանը Սամարղանդում ՇՀԿ գագաթնաժողովի շրջանակներում պայմանավորվել են Ռուսաստանից Իսլամական Հանրապետություն գազատարի կառուցման վերաբերյալ համագործակցության շուրջ։ Այս մասին հայտնում է The Frontier Post-ը։

Հրատարակության տվյալներով՝ առաջնորդները «համաձայնության են եկել երկկողմ առևտրի զարգացման և խոշոր նախագծերի իրականացման շուրջ, այդ թվում՝ գազի մատակարարման վերաբերյալ»։

Հուլիսի վերջին հայտնի դարձավ, որ Իրանն ու Ռուսաստանը համատեղ գազի մատակարարումներ կսկսեն Օմանին և Պակիստանին։ Իսլամական Հանրապետության նավթարդյունաբերության նախարար Ջավադ Օուջիի խոսքով՝ այս որոշումը ռուսական «Գազպրոմի» և Իրանի ազգային նավթային ընկերության բանակցությունների արդյունքն է։