Չեչնիայից Դոնբաս կանոնավոր կերպով կամավորներ են ուղարկվում. Կադիրով
Աշխարհ
Չեչնիայի ղեկավար Ռամզան Կադիրովը հայտնել է, որ հանրապետությունը կանոնավոր կերպով կամավորներ է ուղարկում Դոնբաս և Ուկրաինա։ Այս մասին նա գրել է իր Telegram ալիքում։
«Մեծ տարբերություն կա բռնի ուժով մոբիլիզացված ու մարտի ուղարկվածների և նրանց միջև, ովքեր որոշել են ինքնակամ տեր կանգնել հայրենիքին։ Առաջինները նվազագույն վտանգի դեպքում կփախչեն մարտի դաշտից, իսկ երկրորդները կպայքարեն առողջությանն ու կյանքին սպառնացող ցանկացած սպառնալիքի դեմ»,- ասել է Չեչնիայի ղեկավարը։
Նրա խոսքով՝ «հենց այդպիսի տղաներ», խիզախ ու հայրենասեր, Ռուսաստանից ու նրա շրջաններից պարբերաբար ուղարկվում են «Դոնբասում մարտական առաջադրանքներ լուծելու համար»։
«Այս ազնիվ գործում Չեչնիայի Հանրապետությունը առաջատար դիրք է զբաղեցնում, քանի որ այստեղ ցանկացած կամավոր կարող է ստանալ այն ամենը, ինչ իրեն անհրաժեշտ է՝ առանց ավելորդ բյուրոկրատիայի և անախորժությունների», - հավելել է Կադիրովը։
Նա նշել է, որ Չեչնիայի խորհրդարանի նախագահ, Չեչնիայի Հանրապետության հատուկ ռազմական գործողություն իրականացնելու օպերատիվ շտաբի ղեկավար Մագոմեդ Դաուդովը վերահսկում է կամավորական ջոկատների կազմավորումը։
Սեպտեմբերի 15-ին հաղորդվել էր, որ Կադիրովը կոչ է արել շրջաններին սկսել «ինքնամոբիլիզացիա»։
Ամենադիտված 
Ինչու են այս տարի Հանրապետության հրապարակում ամանորյա ձևավորման աշխատանքները 2 ամիս շուտ սկսվել
