Ավտովթար՝ Երևանում. Mercedes E350–ը բախվել է էլեկտրասյանը․ մանրամասներ
Արտակարգ Պատահար
Երեկ՝ սեպտեմբերի 17-ին, ավտովթար է տեղի ունեցել Երևանում: Ժամը 22:00–ի սահմաններում Երևանի բնակիչ Հայկ Մանվելյանը իր վարած Mercedes E350 մակնիշի 05 ՏP 050 համարանիշի ավտոմեքենայով Շոպրոնի փողոցում՝ ավտոլվացման կետի հարևանությամբ, դուրս է եկել երթևեկելի գոտուց, բախվել էլեկտրասյանը:
Ինչպես հայտնում է ֆոտոլրագրող Գագիկ Շամշյանը, ըստ նախնական տեղեկությունների՝ վթարի հետևանքով, բարեբախտաբար, տուժածներ չկան: Օպերատիվորեն ժամանել են Արտակարգ իրավիճակների նախարարության փրկարար ծառայության Երևանի թիվ 15 փրկարարական ջոկատից 1 մարտական հաշվարկ:
Փրկարարները ավտոմեքենան հեռացրել են էլեկտրասյունից, որից հետո այն ավտոքարշակով տեղափոխվել է անվտանգ վայր: Դեպքի վայր են ժամանել ՀՀ ոստիկանության պարեկային ծառայության Երևանի գնդի պարեկները և «Հայաստանի էլեկտրական ցանցեր» ընկերութան «Երքաղլույս» ՓԲԸ-ի ծառայողները:
ՈՒՂԻՂ ԵԹԵՐ
Ամենադիտված 
Խստորեն դատապարտում եմ Ռուբեն Ռուբինյանի կողմից Ստամբուլում թուրք տեսած լինելը. Դանիել Իոաննիսյան
