Պուտինը սահմանին տիրող իրավիճակը քննարկել է Ղրղզստանի և Տաջիկստանի նախագահների հետ

ՌԴ նախագահ Վլադիմիր Պուտինը հեռախոսազրույցներ է ունեցել Ղրղզստանի և Տաջիկստանի ղեկավարներ Սադիր Ժապարովի և Էմոմալի Ռահմոնի հետ և քննարկել է երկու երկրների սահմանին տիրող իրավիճակը։

Այդ մասին հայտնում է Կրեմլի մամուլի ծառայությունը։

Ռուսաստանի ղեկավարը Ղրղզստանին և Տաջիկստանին կոչ է արել կանխել հետագա էսկալացիան և միջոցներ ձեռնարկել իրավիճակը բացառապես խաղաղ ճանապարհով լուծելու համար։

Նա նաև հաստատել է Ռուսաստանի պատրաստակամությունը՝ անհրաժեշտ օգնություն ցուցաբերել ղրղզա-տաջիկական սահմանային գոտում կայունություն ապահովելու համար։