Զախարովան «անկայուն» է անվանել Սերբիայի և Կոսովոյի կոմպրոմիսն՝ Արևմուտքի երաշխիքների ներքո

ՌԴ ԱԳՆ պաշտոնական ներկայացուցիչ Մարիա Զախարովան ասել է, որ Սերբիայի և Կոսովոյի միջև փոխզիջումը անվտանգության երաշխիքների ներքո, որոնք մշակվել են Արևմուտքի կողմից, դժվար թե կարելի է կայուն անվանել։ Զախարովայի համապատասխան մեկնաբանությունը հրապարակվել է նախարարության կայքում, հաղորդում է Gazeta.ru-ն։

«Արևմուտքի «ամուր երաշխիքների» ներքո ձեռք բերված փոխզիջումը դժվար թե կարելի է կայուն անվանել։ Անտեսվել է սերբերի համար Կոսովոյի սերբական մունիցիպալիտետների համայնքի ստեղծման կենսական խնդիրը, որը կոչված է դառնալու արդյունավետ գործիք՝ ազգային պատկանելության վրա հիմնված համակարգված հալածանքների միջավայրում նրանց իրավունքների և անվտանգության ապահովման համար»,- ասել է նա։

Զախարովան միաժամանակ ընդգծել է, որ Սերբիայի իշխանությունների ձեռնարկած կառուցողական քայլերը հնարավորություն են տալիս հաղթահարել Կոսովոյի ճգնաժամի սուր փուլը եւ խուսափել բացահայտ բախումից։

Նաև, դիվանագետի խոսքով, Եվրամիության միջնորդությունն այս հարցում արդյունք չի տալիս։