Բրիտանական հետախուզությունը տոնական օրերին նոր հրթիռային հարձակում է կանխատեսում Ուկրաինայի վրա
Աշխարհ
Մեծ Բրիտանիայի հետախուզությունը չի բացառում, որ Ռուսաստանը առաջիկա օրերին հերթական հրթիռային հարձակումն է նախապատրաստում ուկրաինական տարածքի վրա, որպեսզի փորձի խաթարել ուկրաինական բնակչության բարոյահոգեբանական վիճակը տոնական օրերին։
Այս մասին, ինչպես հաղորդում է Европейская правда-ն, ասված է Մեծ Բրիտանիայի հետախուզության շաբաթօրյա տեսության մեջ։
Բրիտանական հետախուզությունը հիշեցնում է, որ դեկտեմբերի 29-ին ռուսական զորքերը հեռահար հարվածների հերթական ալիքն են ձեռնարկել Ուկրաինայի տարածքում, առաջին հերթին՝ էներգահամակարգի օբյեկտների վրա։
«Հոկտեմբերից սկսած Ռուսաստանն ընդհանուր առմամբ հետևում է յոթ-տասը օրը մեկ հարվածների ինտենսիվ ալիքի իրականացման միտումին: Ռուսաստանը գրեթե վստահաբար հետևում է այս մոտեցմանը` փորձելով ճնշել Ուկրաինայի հակաօդային պաշտպանությունը», - նշում են նրանք:
Միևնույն ժամանակ, բրիտանական հետախուզական հանրությունը իրական է համարում այն հավանականությունը, որ Ռուսաստանի Դաշնությունը «կխախտի այս սխեման» և առաջիկա օրերին կրկին հարվածներ կհասցնի՝ «փորձելով խարխլել ուկրաինական բնակչության բարոյահոգեբանական վիճակը ամանորյա տոներին»։
ՈՒՂԻՂ ԵԹԵՐ
Ամենադիտված 
Ցմահ դատապարտյալ Արթուր Քոչարյանն ազատ է արձակվել
