Պակիստանի Սենատը Էրդողանին առաջադրել է Խաղաղության Նոբելյան մրցանակի

Պակիստանի Սենատը չորեքշաբթի օրը Թուրքիայի նախագահ Ռեջեփ Թայիփ Էրդողանին առաջադրել է Խաղաղության Նոբելյան մրցանակի ուկրաինական ճգնաժամի կարգավորմանն ուղղված ջանքերի համար։

«Ռուս-ուկրաինական պատերազմն արագ վերածվեց միջուկային թեժ կետի, որը կարող է աղետով ավարտվել ողջ աշխարհի համար։ Նրա (Էրդողանի) անխոնջ ջանքերի, երկու կողմերի հետ ժամանակին և արդյունավետ փոխգործակցության շնորհիվ նա միանձնյա կանխեց համաշխարհային աղետը», - ասվում է Պակիստանի Սենատի նախագահի՝ Նորվեգիայի Նոբելյան կոմիտեին ուղղված նամակում:

Նա Էրդողանին անվանել է «իսկական պետական ​​գործիչ և առաջնորդ, ով միշտ ձգտում է ոչ միայն իր երկրի, այլև տարածաշրջանի ու ամբողջ աշխարհի զարգացմանն ու բարգավաճմանը»:

Պակիստանի Սենատը չորեքշաբթի օրը հայտարարեց Ռեջեփ Թայիփ Էրդողանի պաշտոնապես առաջադրման մասին։

Ավելի վաղ Թուրքիայի խորհրդարանի նախագահ Մուստաֆա Սենթոփը հայտարարել էր, որ նախաձեռնել է խաղաղության Նոբելյան մրցանակի համար Էրդողանի թեկնածությունը։