iPhone 14 Pro-ի տերերը դժգոհել են սմարթֆոնի շրջանակի վրա «տարօրինակ բծերի» հայտնվելուց

iPhone 14 Pro-ի օգտատերերը դժգոհել են սմարթֆոնի պողպատե շրջանակի վրա ճաքերի ու «տարօրինակ բծերի» հայտնվելուց։ Այս մասին հաղորդագրություններ են հայտնվել Macrumors ֆորումում։

Թեմայի հեղինակի խոսքով՝ iPhone 14 Pro-ի թողարկումից ի վեր իրեն են պատկանում տարբեր գույներով սմարթֆոնի երեք տարբերակ, որոնցից յուրաքանչյուրի վրա հայտնվել են նմանատիպ բծեր։ Ավելին, դրանցից հնարավոր չէ ազատվել նույնիսկ կտորով մանրակրկիտ մաքրելուց հետո։

Հեղինակին միացել են iPhone 14 Pro-ի այլ սեփականատերեր, որոնք նույնպես բախվել են նմանատիպ թերության։ Ավելին, ոմանք դիմել են Apple-ին՝ սմարթֆոնը փոխարինելու համար, սակայն ստացել են նույն թերությամբ հեռախոս։

Որոշ օգտատերեր խորհուրդ են տալիս գնել iPhone 14 Pro-ն արծաթագույն գույնով և «դադարել չափազանց մեծ ուշադրություն դարձնել փոքր թերություններին»։

Apple-ը դեռ չի մեկնաբանել iPhone 14 Pro-ի դժգոհ սեփականատերերի բողոքները։