Գերմանիայում հարևաններն այրել են պոռնոդերասանուհու անասնագոմը՝ եկեղեցում անպարկեշտ տեսանյութ նկարահանելու պատճառով

Գերմանիայում պոռնոդերասանուհին սպառնալիքներ է ստացել տեղի գյուղական եկեղեցում էրոտիկ ֆիլմ նկարահանելու համար: Այս մասին հայտնում է Daily Star-ը։

37-ամյա Ջուլիա Ուինթերը 2022 թվականին մասնակցել է Բրեմենի մերձակայքում գտնվող Սուրբ Կոսմասի և Դամիանոսի եկեղեցում էրոտիկ բնույթի հոլովակի նկարահանումներին։ Դրանից հետո, ըստ նրա, հարեւանները հրկիզել են իր տարածքում գտնվող անասնագոմը։ Կինը հայտարարել է, որ գիշերը երկու ուժեղ պայթյուն է լսել, դուրս է եկել վարձակալած տնից, տեսել է, որ անասնագոմը կրակի մեջ է։ Այնուհետև տանտերը խզել է նրա հետ պայմանագիրը։

Միևնույն ժամանակ, Ուինթերը պնդում է, որ սա միակ դեպքը չէ, երբ իրեն սպառնացել են ու ահաբեկել տեղի բնակիչները։ Նա հայտարարել է, որ իրեն բազմիցս վիրավորել են, սպառնալից նամակներ են գրել, իսկ տեղի քահանան, սկանդալային տեսանյութից հետո, դատի է տվել իրեն, այնուհետև ինքը տուգանվել է։

Կինը պնդում է նաև, որ եկեղեցում պոռնոտեսանյութ նկարահանելու դրդապատճառը եղել է «եկեղեցում երեխաների նկատմամբ բռնության խնդրին» ուշադրություն հրավիրելու ցանկությունը։