Լավրովն ու Վան Ին չեն քննարկել Ուկրաինայում իրավիճակի կարգավորման չինական ծրագիրը․ ՌԴ ԱԳՆ

Ռուսաստանի արտաքին գործերի նախարար Սերգեյ Լավրովը և Չինաստանի կոմունիստական կուսակցության կենտրոնական կոմիտեի արտաքին գործերի հանձնաժողովի գրասենյակի ղեկավար Վան Ին չեն քննարկել «Ուկրաինայում կարգավորման հարցով չինական պլանը»» Մոսկվայում կայացած գործնական հանդիպման ժամանակ։ Այս մասին հայտնում է ՌԴ ԱԳՆ մամուլի ծառայությունը։

«Որևէ առանձին «պլանի» մասին խոսք չի եղել»,- ասվում է հաղորդագրության մեջ։

Ինչպես նշել են նախարարությունում, չինացի գործընկերները խոսել են ուկրաինական ճգնաժամի հիմնարար պատճառների, ինչպես նաև դրա քաղաքական կարգավորման մեթոդների մասին իրենց տեսակետների մասին։

Մամուլի ծառայությունը նաև հավելել է, որ ինչ-որ «չինական խաղաղության ծրագրի» վերաբերյալ մի շարք արևմտյան քաղաքական գործիչների և լրատվամիջոցների հայտարարությունները խեղաթյուրում են իրական պատկերը։

Ավելի վաղ հաղորդվել էր, որ Վան Ին Լավրովի հետ զրույցում բարձր էր գնահատել ուկրաինական հակամարտության դիվանագիտական ​​լուծում գտնելու Մոսկվայի պատրաստակամությունը։