ԱՄՆ-ն խստացրել է Իրանի նկատմամբ արտահանման սահմանափակումները

Միացյալ Նահանգների առևտրի նախարարությունը խստացրել է Իրանի նկատմամբ արտահանման սահմանափակումները՝ Ռուսաստանին անօդաչու թռչող սարքերի (ԱԹՍ) մատակարարման վերաբերյալ տվյալների պատճառով, հայտնում է ՏԱՍՍ-ը՝ վկայակոչելով գերատեսչության հայտարարությունը։

Փաստաթղթում ասվում է, որ Թեհրանի նկատմամբ սահմանվել է «արտահանման վերահսկողության նոր միջոցներ»՝ կապված Ռուսաստանին անօդաչու թռչող սարքերի մատակարարման հետ, որոնք, ըստ Վաշինգտոնի, օգտագործվում են Ուկրաինայում։ Նախարարությունն ընդգծել է, որ այս քայլը հակասում է ԱՄՆ-ի շահերին ազգային անվտանգության և միջազգային քաղաքականության ոլորտում։

Սպառազինության հարցում երկու երկրների համագործակցության վերաբերյալ ԱՄՆ-ի կարծիքը կիսում է Իսրայելի վարչապետ Նեթանյահուն, ով ասել է, որ Իրանը անօդաչու սարքեր է մատակարարում ՌԴ-ին՝ Ուկրաինայում օգտագործելու համար։