Զելենսկին իր երախտագիտությունն է հայտնել Ալիևին՝ Ուկրաինայի տարածքային ամբողջականությանն աջակցելու համար

Այսօր՝ փետրվարի 24-ին, Ուկրաինայի նախագահ Վլադիմիր Զելենսկին ռուս-ուկրաինական պատերազմի տարելիցին նվիրված մամուլի ասուլիսի ժամանակ ադրբեջանցի լրագրողն «աջակցել է» Ուկրաինայի առաջնորդին և խնդրել սելֆի անել իր հետ։

Դրանից հետո Ուկրաինայի նախագահն ասել է. «Եթե այսօր ադրբեջանցի լրագրողը փորձում է ինձ հարց տալ ուկրաիներեն, ապա սա արդեն ցույց է տալիս, թե ում է աջակցում Ադրբեջանը՝ Ռուսաստանին, թե Ուկրաինային»:

«Մենք նաև կապի մեջ ենք նախագահ Ալիևի հետ, նա հանդես է գալիս միջազգայնորեն ճանաչված սահմանների հարգման օգտին, հիմա սա է գլխավորը»,- հավելել է Զելենսկին՝ իր երախտագիտությունը հայտնելով Ադրբեջանի նախագահին։