Ուկրաինային ավելի շատ ժամանակ է պետք. Զելենսկի
Աշխարհ
Ուկրաինային ավելի շատ ժամանակ է պետք հակահարձակում սկսելու համար, BBC-ին ասել է Ուկրաինայի նախագահ Վոլոդիմիր Զելենսկին։
Նրա խոսքով՝ Ուկրաինայի Զինված ուժերի բրիգադները պատրաստ են հարձակման, սակայն բանակին դեռևս անհրաժեշտ է որոշ լրացուցիչ օգնություն Արևմուտքից՝ օրինակ՝ զրահամեքենաներ, որոնք «խմբաքանակով են գալիս»։
Զելենսկին նշել է, որ ուկրաինական զորքերը կարող են հարձակման անցնել իրենց ունեցածով և «հաջողության հասնել», բայց այդ դեպքում Ուկրաինայի զինված ուժերը կկորցնեն մեծ թվով մարտիկներ։ «Կարծում եմ, որ սա անընդունելի է։ Այնպես որ, պետք է սպասել»,- եզրափակել է նա:
Ուկրաինայի իշխանություններն արդեն մի քանի շաբաթ է, ինչ խոսում են առաջիկա հակահարձակման մասին։ Մայիսի 3-ին Զելենսկին ասաց, որ զինվորականները շուտով կանցնեն հարձակման, և Կիևը ակնկալում էր դրանից հետո ստանալ արևմտյան ինքնաթիռներ։
Հակահարձակման նպատակների թվում Կիևը նշում է Ղրիմի վերադարձը։ Ռուսական կողմը փակված է համարում թերակղզու մասին հարցը, իսկ նախագահ Վլադիմիր Պուտինը խոստացել է, որ երկիրը կպաշտպանի իր տարածքը «բոլոր առկա ուժերով ու միջոցներով»։
Ամենադիտված 
Մնաս բարյավ. Րաֆֆի Հովհաննիսյան
