Չինաստանի հատուկ ներկայացուցիչը մայիսի 15-ից 5 երկիր կայցելի

Եվրասիական հարցերով Չինաստանի Ժողովրդական Հանրապետության հատուկ ներկայացուցիչ Լի Հուին մայիսի 15-ից կայցելի Ուկրաինա, Լեհաստան, Ֆրանսիա, Գերմանիա և Ռուսաստան՝ քննարկելու ուկրաինական հակամարտության կարգավորման հարցը։ Այս մասին հայտարարել է Չինաստանի ԱԳՆ պաշտոնական ներկայացուցիչ Վան Վենբինը, փոխանցում է РИА Новости-ն։

«Լի Հուի այցն այս երկրներ ևս մեկ անգամ ցույց է տալիս Չինաստանի հավատարմությունը՝ նպաստելու խաղաղությանը և բանակցություններին՝ հակամարտությունը կարգավորելու համար»,-ասել է Վանգը։

Չինաստանի ԱԳՆ ներկայացուցիչը հավելել է, որ Ուկրաինայում ձգձգվող և սրված զինված հակամարտության ֆոնին՝ Պեկինը պատրաստ է շարունակել կառուցողական դեր խաղալ հրադադարի շուրջ միջազգային կոնսենսուսի հասնելու, խաղաղ բանակցություններ սկսելու և հետագա էսկալացիայի կանխման գործում։

Փետրվարի 24-ին Չինաստանը ներկայացրել է 12 կետից բաղկացած խաղաղության ծրագիրը։ Փաստաթուղթը պարունակում է հրադադարի և ռազմական գործողությունների կոչեր՝ խուսափելով ուկրաինական ճգնաժամի էսկալացիայից, ինչպես նաև ռուսական և ուկրաինական կողմերի միջև երկխոսության շուտափույթ վերսկսման համար։