Կոլումբիայի ջունգլիներում գտել են ավիավթարից ողջ մնացած չորս երեխաների

Կոլումբիայի զինված ուժերը Կակետա դեպարտամենտի ջունգլիներում ողջ են գտել չորս երեխայի, որոնք վթարի ենթարկված Cessna 206-ի ուղևորներ են եղել և 16 օր անցկացրել անտառում, ասել է նախագահ Գուստավո Պետրոն, գրում է Ռիա Նովոստին։

«Մեր զինված ուժերի կողմից իրականացված ինտենսիվ որոնումներից հետո մենք գտել ենք ողջ մնացած չորս երեխաների, ովքեր կորել էին Գուավիարայում ավիավթարի հետևանքով: Սա ուրախալի փաստ է երկրի համար», - գրել է Պետրոն Twitter-ի իր բլոգում։

Cessna 206 ինքնաթիռը երկրի հարավում գտնվող Կակետա դեպարտամենտում հաղորդել է շարժիչի խափանումների մասին և ահազանգ է ուղարկել մայիսի 1-ին: Կոլումբիայի քաղաքացիական ավիացիայի վարչությունից հայտնել են, որ այն հայտնաբերվել է ավելի քան 370 ժամ որոնումներից հետո: Օդանավում եղել է օդաչուի մարմինը, սակայն վեց ուղևորներ, որոնցից չորսը անչափահասներ են եղել, ինքնաթիռի սրահում կամ մերձակայքում չեն եղել:
Ըստ Tiempo-ի՝ հետագայում հայտնաբերվել են երկու՝ երկրորդ օդաչու Հերման Մենդոզայի և մեկ ուղևորի՝ չորս երեխաների մոր՝ Մագդալենա Մուկուտուիի մարմինները: Մագդալենայի երեխաները, ովքեր փրկվել են, 13, 9, 4 տարեկան և 11 ամսական են։ Տեղական լրատվամիջոցները, հղում անելով իրենց աղբյուրներին, հայտնում են, որ նրանք այժմ ապահովված են, նրանց ուղեկցում են Կոլումբիայի ռազմածովային ուժերի անդամները։