Բելգորոդում ԱԹՍ-ներ են խոցվել

Բելգորոդի երկնքում անօդաչու թռչող սարքեր են խոցվել, հայտնել է նահանգապետ Վյաչեսլավ Գլադկովը Telegram-ի իր ալիքում։

«ԱԹՍ-ները խոցվել են ՀՕՊ համակարգի կողմից՝ Բելգորոդի շրջանի վրա: Ըստ նախնական տվյալների՝ զոհեր չկան»,- գրել է նա։

Ըստ մարզպետի՝ օպերատիվ ծառայություններն այժմ տեղում պարզում են հետևանքները։

Անցած գիշեր Գլադկովը հայտնել է, որ անօդաչու սարքերը հարձակվել են Գրեյվորոն քաղաքի և Բորիսովկա գյուղի վրա։ Բորիսովկայում դրանք երկու անգամ պայթուցիկ սարքեր են նետել վարչական շենքի վրա, ոչ ոք չի տուժել, սակայն շենքի տանիքը կոտրվել է։ Գրեյվորոնում նման հարձակման ժամանակ երկու առանձնատուն է հրդեհվել, զոհեր չեն եղել։ Մեկ այլ անօդաչու թռչող սարք ռումբ է գցել Բորիսովսկի թաղամասում, որտեղ վնասվել է մասնավոր տան տանիքը։

Բելգորոդի շրջանում հակաահաբեկչական գործողության ռեժիմ է սահմանվել։