Ալիևը հայտարարել է, որ Բաքուն Երևանի հետ խաղաղության համաձայնագրի ստորագրումից հետո կկարողանա համագործակցել ԵԱՏՄ-ի հետ

Ադրբեջանը կկարողանա լիովին համագործակցել Եվրասիական տնտեսական միության (ԵԱՏՄ) հետ Հայաստանի հետ խաղաղության համաձայնագրի ստորագրումից հետո։ Այս մասին Ադրբեջանի նախագահ Իլհամ Ալիևը հայտարարել է «Մոսկվա. Կրեմլ. Պուտին» հաղորդաշարում, որից մի հատված կիրակի օրը հրապարակել է լրագրող Պավել Զարուբինը Telegram-յան ալիքում։ Այս մասին հայտնում են ՏԱՍՍ-ը։

«Մենք ԵվրԱզԷՍ-ի  (ԵԱՏՄ նախկին անվանումը- նշում է ՏԱՍՍ) անդամ երկրների հետ հարաբերությունների երկար պատմություն ունենք, բացառությամբ Հայաստանի, բայց հուսով եմ, որ կկարողանանք խաղաղության պայմանագիր կնքել նաև Հայաստանի հետ։ Այսպիսով, մենք լիովին կհամագործակցենք ԵվրԱզԷՍ-ի հետ, այստեղ ինձ ամեն ինչ ծանոթ է, քանի որ մենք երկար ժամանակ աշխատում ենք գործընկերների հետ ինչպես երկկողմ, այնպես էլ բազմակողմ ձևաչափով»,- ասել է Ալիևը՝ պատասխանելով լրագրող Պավել Զարուբինի հարցերին։

Ադրբեջանի նախագահը հավելել է, որ Եվրասիական բարձրագույն տնտեսական խորհրդի (ԵՏՀԽ) անդամների հանդիպման պաշտոնական մասից հետո, որին ինքը մասնակցել է ընդլայնված կազմով հանդիպմանը, կողմերը «կարծիքներ են փոխանակել համագործակցության հեռանկարների, մերձեցման շուրջ։ «Իհարկե, այստեղ պետք է դիտարկել բոլոր պլյուսներն ու մինուսները: Պետք է ելնել պրագմատիզմից: Եվ մենք միշտ դրանից ենք ելնում մեր քաղաքականության մեջ»,- ընդգծել է Ալիևը: