Կադիրովը հայտարարել է ողջ Ռուսաստանում ռազմական դրություն մտցնելու անհրաժեշտության մասին

Պետք է Ռուսաստանում մտցնել ռազմական դրություն և օգտագործել դրա համար նախատեսված բոլոր ռեսուրսները։ Նման հայտարարություն է արել Չեչնիայի ղեկավար Ռամզան Կադիրովը Telegram-ի իր ալիքում։

«Անհրաժեշտ է Ռուսաստանում հայտարարել ռազմական դրություն, օգտագործել դրա համար նախատեսված բոլոր մարտական ​​ռեսուրսները, որպեսզի միանգամից ջնջվի այս ամբողջ ահաբեկչական բջիջը՝ չդիմելով «ուկրաինացի զինվորական» ձևակերպմանը։ Ուկրաինայում զինվորականներ և քաղաքական գործիչներ չկան՝ միայն ահաբեկիչներ», - ասել է Կադիրովը՝ մեկնաբանելով մայիսի 30-ին Մոսկվայի եւ Մերձմոսկվայի վրա անօդաչու թռչող սարքի հարձակումը։

Նա բացատրել է, որ Ուկրաինայի ղեկավարությունը ահաբեկչական մեթոդներ է կիրառում եւ ընդգծել, որ նման հարձակումներին պատասխանը պետք է դաժան լինի։ Չեչնիայի ղեկավարը նաև կոչ է արել եվրոպական երկրներին մտածել, թե ում են հովանավորում և ինչ պայմաններով են զենք տրամադրում Կիևին։

Մայիսի 30-ի առավոտյան անօդաչու թռչող սարքերը հարձակվել են Մոսկվայի և Մերձմոսկվայի վրա։ Մոսկվայի քաղաքապետ Սերգեյ Սոբյանինը հայտնել է, որ արդյունքում վնասվել են մի քանի շենքեր։