Բլինքենը խոսել է Թուրքիային F-16-ների մատակարարման վերաբերյալ ԱՄՆ Կոնգրեսի անդամների կարծիքի մասին

ԱՄՆ պետքարտուղար Էնթոնի Բլինքենը հայտարարել է, որ ԱՄՆ Կոնգրեսի որոշ անդամներ Թուրքիային F-16 կործանիչների մատակարարումը կապում են Անկարայի կողմից Շվեդիայի՝ ՆԱՏՕ-ին անդամակցելու փաստաթղթերի վավերացման հետ։ Այս մասին հայտնում է ՏԱՍՍ-ը։

Բլինքենի խոսքով՝ ԱՄՆ նախագահ Ջո Բայդենի վարչակազմը երկու հարցերն իրար չի կապում։ Միևնույն ժամանակ, ԱՄՆ Կոնգրեսի որոշ անդամներ նման եզրակացություններ են անում և Շվեդիայի մուտքը Հյուսիսատլանտյան դաշինք կապում են F-16-ի հարցում առաջընթացի հետ։

«Կոնգրեսը իշխանության իրավահավասար և անկախ ճյուղ է, նրա ձայնը, իհարկե, կարևոր է նման որոշումներ կայացնելիս: Բայց մեր տեսանկյունից, այս երկու խնդիրներն էլ՝ Շվեդիայի անդամակցությունը և F-16-ի արդիականացման փաթեթները, պետք է հնարավորինս շուտ առաջ շարժվեն»,- ասել է Բլինկենը:

Ավելի վաղ ԱՄՆ նախագահ Ջո Բայդենը հայտարարել էր, որ իր թուրք գործընկեր Ռեջեփ Թայիփ Էրդողանի հետ քննարկել է Շվեդիայի՝ ՆԱՏՕ մտնելու հարցը և հորդորել նրան լուծել այդ խնդիրը։ Նա հավելել էր, որ պետությունների ղեկավարները պայմանավորվել են պահպանել շփումներն այս թեմայով։

Միացյալ Նահանգների ղեկավարն ասել էր, որ շնորհավորել է Էրդողանին ընտրություններում հաղթանակի կապակցությամբ։ Բայդենը նաև նշել էր, որ Թուրքիայի ղեկավարը ցանկանում է ինչ-որ բան պայմանավորվել չորրորդ F-16 կործանիչների հետ կապված։