ԱՄՆ-ն Իսրայելին մեղադրել է Պաղեստինի հետ խաղաղության ճանապարհին խոչընդոտներ ստեղծելու մեջ

ԱՄՆ իշխանությունները կողմ են Իսրայելի և Պաղեստինի միջև երկկողմ երկխոսությանը՝ կողմերի միջև կոնֆլիկտի խաղաղ ավարտի համար, հայտարարել է ԱՄՆ պետքարտուղար Էնթոնի Բլինքենը, փոխանցում է ՏԱՍՍ-ը։ Նրա խոսքով՝ իսրայելա-պաղեստինյան հարցի կարգավորումը հնարավոր է միայն ուղիղ բանակցությունների միջոցով։

«[Իսրայելի] բնակավայրերի ընդլայնումն ակնհայտորեն խոչընդոտ է այն հույսի հորիզոնին, որը մենք տեսնում ենք: Բացի այդ, ցանկացած քայլ դեպի Արևմտյան ափի [Հորդանան գետի] անեքսիա՝ դե ֆակտո կամ դե յուրե, սուրբ վայրերի պատմական ստատուս քվոյի խախտում, [պաղեստինցիների] տների շարունակական ավերածություն և այս տներում սերունդներ շարունակ ապրած ընտանիքների վտարում վնասում են երկու պետությունների [խաղաղ գոյակցության] հեռանկարներին», - ավելացրել է Բլինքենը:

Ինչպես նշել է Պետդեպարտամենտի ղեկավարը, Վաշինգտոնը կողմ է Իսրայելի և Պաղեստինի միջև համաձայնեցված տարածքների փոխանակման վրա հիմնված խաղաղության պայմանագրի կնքմանը։ Նա նաև հավելել է, որ Միացյալ Նահանգները ձգտում է ապահովել, որ երկու երկրների ժողովուրդները կարողանան խաղաղ ապրել միմյանց հետ։