Ֆրանսիայում սիրիացի փախստականը դանակահարել է երեխաների (տեսանյութ)

Ֆրանսիայի Անսի քաղաքի այգում լճի ափին հարձակում է տեղի ունեցել խաղահրապարակում գտնվող երեխաների վրա։ Տղամարդը ցատկել է ցանկապատի վրայով և հարձակվել նրանց վրա։ Ըստ AFP-ի` վիրավորվել է վեց երեխա և մեկ մեծահասակ: Ֆրանսիայի նախագահ Էմանուել Մակրոնը հայտարարել է, որ ժողովուրդը ցնցված է հարձակումից։

Միջադեպը տեղի է ունեցել եվրոպական ժամանակով 9:45-ին լճի մոտ: Չորս երեխա ծանր վիրավոր է, բժիշկները նրանցից երկուսի կյանքի համար պայքարում են։ Ոստիկանները հետապնդել են հարձակվողին և շրջապատել նրան, սակայն նա կարողացել է դանակով հարվածել տարեց տղամարդու։ Ոստիկանները կրակ են բացել և վիրավորել հանցագործին։ Նրան բերման են ենթարկել։

Նրա ինքնությունն արդեն հայտնի է, խոսքը 1991 թվականին ծնված սիրիացի փախստական ​​Աբդալմասիհ Խ.-ի մասին է, ով ապաստանի իրավունք է ստացել Շվեդիայում, սակայն մի քանի անգամ այցելել է Ֆրանսիայի տարածք։

«Աննախադեպ վախկոտության հարձակում այսօր առավոտյան Անսիի այգում: Երեխաներն ու մեծահասակները գտնվում են կյանքի և մահվան միջև։ Երկիրը ցնցված է»,- գրել է Էմանուել Մակրոնը Twitter-ում։