Ես պարտավոր չեմ հագնվել ու ապրել այնպես, ինչպես դուք եք ուզում. Անահիտ Սիմոնյանը՝ Սուպեր Սաքոյի հետ տեսանյութի մասին

Համացանցում կադրեր էին հրապարակվել, թե ինչպես է երգչուհի Անահիտ Սիմոնյանը լուսանկարվում Սուպեր Սաքոյի հետ։

Անահիտ Սիմոնյանը Instagram-ի իր էջի Story բաժնում անդրադարձել է այդ տեսանյութին ու դրա շուրջը ծավալված խոսակցություններին։

«Իմ գործընկեր Սաքոյի հետ ես երկար տարիներ շարունակ ընկերություն եմ անում։ Ինքս եմ հրապարակել այդ տեսանյութը, որը ծիծաղելի էր և մեր չստացված լուսանկարի տեսագրված տարբերակն էր։ Ի՞նչ սարսափելի բան կա այդ կադրերի մեջ: Եթե ձեզ դուր չի գալիս, թե ինչպես եմ հագնվում, դա միայն ձեր խնդիրն է, որովհետև ես պարտավոր չեմ հագնվել ու ապրել այնպես, ինչպես դուք եք ուզում, քանի որ ես անգամ ձեզ չեմ ճանաչում։ Սա վերաբերում է այն մարդկանց, ովքեր ինձ վիրավորում են: Խնդրում եմ՝ համակերպվեք այն փաստի հետ, որ յուրաքանչյուրը պետք է ապրի իր կյանքը՝ հագնվելով այնպես, ինչպես ցանկանում է: Եթե իմ կյանքում հայտնվի տղամարդ, ես ձեզ վստահեցնում եմ, որ ինստագրամում դուք երբեք չեք տեսնի նրան: Այսքանը պետք է որ բավական լինի, որ հասկանաք՝ ես և իմ կոլեգան ընկերներ ենք, ոչ ավելի։ Սկսեք ապրել ձեր կյանքով և մի մտեք ուրիշի ընտանիքներ, ընկերական շրջապատ։ Դա մեղք է»,-գրել է Անահիտ Սիմոնյանը։