Իսրայելի պաշտպանության բանակի տանկերը շարժվում են դեպի Գազա

Իսրայելի պաշտպանության բանակի տանկային կազմավորումները շարժվում են դեպի Գազայի հատված։ Այս մասին հայտնում է Sky News Arabia-ն՝ տեղի աղբյուրներին հղումով։

ՀԱՄԱՍ-ի ռազմական թևի՝ «Ալ-Քասամ բրիգադների» ներկայացուցիչները հայտնել են, որ իրենք ներկայումս հետ են մղում Իսրայելի ցամաքային ներխուժումը Գազայի հատվածում գտնվող Ալ-Բուրեյջ փախստականների ճամբարի արևելյան հատվածում:

Մինչ այս Իսրայելի պաշտպանության բանակի մամուլի ծառայությունը հայտարարել էր, որ Իսրայելը ընդլայնում է ցամաքային մանևրների մասշտաբները Գազայի հատվածում։