Եգիպտոսում խոշոր ավտովթարի հետևանքով զոհերի թիվը հասել է 32-ի

Եգիպտոսի հյուսիսում Բուհեյրա նահանգում տեղի ունեցած խոշոր ավտովթարի հետևանքով զոհերի թիվը հասել է 32-ի, ավելի քան 60 մարդ վիրավորվել է, հայտնել է երկրի առողջապահության նախարարությունը։

Ավելի վաղ « Al Ahram» թերթը հայտնել էր, որ Կահիրե-Ալեքսանդրիա մայրուղու վրա ավտոբուսի և մի քանի մեքենաների մասնակցությամբ վթարի հետևանքով 28 մարդ է զոհվել։

«Միջադեպի հետևանքով զոհվել է 32 ուղևոր, ևս 63-ը վիրավորվել են»,- հայտնել են Եգիպտոսի առողջապահության նախարարությունից՝ նշելով, որ 60 տուժած հոսպիտալացվել է, ևս երեքը տեղում բուժօգնություն են ստացել։