Մախաչկալայում հրեաներ չգտնելով՝ ջարդարարները հարձակվել են ոստիկանական մեքենայի վրա

Մախաչկալայի օդանավակայանում ջարդարարները, հրեաներ չգտնելով, հարձակվել են ոստիկանական մեքենայի վրա, հայտնում է «ՌԻԱ Դաղստան»-ը:

Դաղստանի քննչական կոմիտեն զանգվածային անկարգությունների փաստով գործ է հարուցել՝ կապված Մախաչկալայի օդանավակայանում տեղի ունեցած ջարդարարության հետ։

Մախաչկալայի վրայով պտտվող ինքնաթիռները ուղևորվել են Միներալնիե Վոդի օդանավակայան։

Հիշեցնենք, որ հոկտեմբերի 29-ի երեկոյան Մախաչկալայի օդանավակայանի մոտ տեղի բնակիչների բազմություն էր հավաքվել։ Պատճառը եղել է Red Wings ինքնաթիռի ժամանումը Թել Ավիվից։

Ավելի ուշ դաղստանցիները ներխուժել են օդանավակայան և խուզարկել տարածքը՝ Իսրայելից ժամանած «հրեաներին» փնտրելու համար։