Բորելը դատապարտել է իսրայելական հարձակումները պաղեստինցիների վրա

Եվրոպական միության արտաքին հարաբերությունների և անվտանգության հարցերով բարձր ներկայացուցիչ Ժոզեպ Բորելը խստորեն դատապարտել է Իսրայելի հարձակումները Հորդանան գետի արևմտյան ափում գտնվող պաղեստինցիների վրա: Այս մասին հաղորդում է Gazeta.ru–ն՝ հղում անելով տարածաշրջանային համագործակցության արտաքին քաղաքականության ծառայությանը։

Ինչպես նշվում է, հոկտեմբերի 31-ին Բորելը հեռախոսազրույց է ունեցել Մերձավոր Արևելքի մի շարք երկրների գործընկերների հետ։ Եվրոպացի դիվանագետը հեռախոսազրույց է ունեցել Հորդանանի, Սաուդյան Արաբիայի և Եգիպտոսի ներկայացուցիչների հետ։

Նա նաև քննարկել է պաղեստինա-իսրայելական հակամարտությունը Իսլամական համագործակցության կազմակերպության (ԻՀԿ) գործընկերների հետ: Միաժամանակ, զրույցների ընթացքում Բորելը ուշադրություն է հրավիրել Հորդանան գետի արեւմտյան ափին տիրող իրավիճակի վրա։

«Բարձր ներկայացուցիչ Բորելը մեծ մտահոգություն է հայտնել պաղեստինցիների վրա իսրայելցի վերաբնակիչների հարձակումների կապակցությամբ, որոնք նա խստորեն դատապարտել է», - ասվում է հայտարարության մեջ։