Մակրոնը պաշտոնական այցով ժամանել է Ուզբեկստան

Ֆրանսիայի նախագահ Էմանուել Մակրոնը պաշտոնական այցով ժամանել է Ուզբեկստան։ Այս մասին հայտնում է Ուզբեկստանի ազգային լրատվական գործակալությունը։

Նշվում է, որ Սամարղանդի միջազգային օդանավակայանում նրան դիմավորել են վարչապետ Աբդուլլա Արիպովը և այլ պաշտոնյաներ։

Սամարղանդում բարձր մակարդակի բանակցություններում կքննարկվեն Ուզբեկստանի և Ֆրանսիայի միջև բազմակողմ հարաբերությունների հետագա զարգացման հարցերը։ Ուշադրության կենտրոնում կգտնվեն առևտրատնտեսական, նորարարական, ներդրումային և  մշակութային-հումանիտար ոլորտներում գործնական համագործակցության ընդլայնման հարցերը։