Գիտնականները hայտնել են նստակյաց աշխատանքի բացասական հետևանքները

Տուրկուի համալսարանի ֆին գիտնականները հետազոտություն են անցկացրել և պարզել, որ նստակյաց ապրելակերպը կարող է հանգեցնել նյութափոխանակության խանգարումների։ Դա կարող է հետագայում լուրջ առողջական խնդիրներ առաջացնել:

Հետազոտողները նշում են, որ նյութափոխանակության գործընթացի բացասական փոփոխությունները հանգեցնում են սրտանոթային հիվանդությունների և շաքարախտի:

Փորձին մասնակցել է ավելի քան 60 մարդ, որոնց միջին տարիքը եղել է 58։ Նրանք դաստակին կրել են արագացուցիչ, որը որոշել է նրանց ֆիզիկական ակտիվության մակարդակը ողջ օրվա ընթացքում։

Նշվում է, որ նրանք, ովքեր օրվա ընթացքում ավելի շատ ժամանակ են անցկացրել կանգնած վիճակում, քան նստած, ինսուլինի նկատմամբ ավելի լավ զգայունություն են ունեցել:

Մինչ այս, բժշկական գիտությունների դոկտոր, սննդաբան Մարգարիտա Կորոլևան ասել էր, որ շատ շաքար և աղ, ինչպես նաև ճարպ պարունակող մթերքների չափից ավելի օգտագործումը կարող է հանգեցնել ավելորդ քաշի և վտանգավոր հիվանդությունների առաջացման։