ՆԱՏՕ-ն Ուկրաինայում համատեղ առաքելություն է ստեղծում

ՆԱՏՕ-ի երկրները համատեղ առաքելություն են ստեղծում Ուկրաինայում, ասել է Լեհաստանի արտգործնախարար Ռադոսլավ Սիկորսկին, Բրյուսելում նրա ելույթը հեռարձակել է Լեհաստանի հեռուստատեսությունը։

«Մենք ՆԱՏՕ-ի առաքելություն ստեղծելու որոշում ենք կայացրել: <...> Դա չի նշանակում, որ գնում ենք պատերազմի, այլ նշանակում է, որ այժմ կկարողանանք օգտագործել ՆԱՏՕ-ի համակարգման, վերապատրաստման, պլանավորման հնարավորությունները՝ Ուկրաինային ավելի համակարգված կերպով աջակցելու համար»,- ասել է նա։

Մասնավորապես, ուկրաինական զորքերին Լեհաստանում ավելի ակտիվորեն կսովորեցնեն, պարզաբանել է Սիկորսկին։