Զորավարժությունների ժամանակ ադրբեջանցի զինծառայող է մահացել

Զորավարժությունների ժամանակ հրազենից արձակված կրակոցի հետևանքով ադրբեջանական բանակի զինծառայող է մահացել, հաղորդում է «Սպուտնիկ Ադրբեջանը»։

Ավելի վաղ հայտնել էինք, որ Ադրբեջանի հատուկ ջոկատայինները զորավարժություններ են անցկացրել Նախիջևանում։

Զորավարժությունների ընթացքում հատուկ ջոկատայինները տարբեր հետախուզական առաքելություններ են իրականացրել պայմանական հակառակորդի տարածքի խորքում՝ լեռնային և ժայռոտ տեղանքներում, ինչպես նաև գործողություններ են իրականացրել պայմանական հակառակորդի կարևոր օբյեկտներում։