Իսրայելը հայտարարել է ՀԱՄԱՍ-ի գումարտակների 80%-ի ոչնչացման մասին

Իսրայելի վարչապետ Բենիամին Նեթանյահուն հայտարարել է, որ Իսրայելը ոչնչացրել է ՀԱՄԱՍ-ի ղեկավարած գումարտակների 80%-ը։ Նա այս թվերը մեջբերել է Իսրայելի և ՀԱՄԱՍ-ի միջև պատերազմի սկսվելուց ուղիղ վեց ամիս անց կառավարությանն ուղղված ուղերձում։

Նեթանյահուի խոսքով՝ ՀԱՄԱՍ-ի 24 գումարտակներից 19-ը ոչնչացվել են։ Մինչ այս՝ Իսրայելի պաշտպանության բանակը ցամաքային զորքերը դուրս էր բերել Գազայի հատվածի հարավից։ Հաղորդվել էր, որ Գազայի հարավում մնացել է Իսրայելի բանակի միայն մեկ բրիգադ, որը կապահովի Իսրայելի հարավը Գազայի հատվածի ափին կապող միջանցքի անվտանգությունը։