Իրանը նշել է այն պայմանը, որի դեպքում կարող է հրաժարվել Իսրայելին «պատժելուց»
Աշխարհ
Իրանը կարող է հրաժարվել իսրայելական իշխանությունների դեմ պատասխան գործողություններից՝ Սիրիայում իրանական դիվանագիտական օբյեկտների վրա հարձակման համար, եթե ՄԱԿ-ի Անվտանգության խորհուրդը դատապարտի Իսրայելի հարձակումը։
ՄԱԿ-ի համաշխարհային կազմակերպությունում Իրանի Իսլամական Հանրապետության մշտական ներկայացուցչությունը հայտարարություն է տարածել, ըստ որի՝ Իսրայելի դեմ պատասխան հարվածը կարող է չեղարկվել, եթե Անվտանգության խորհուրդը կարևոր ժեստ անի։ Իրանը ՄԱԿ-ի Անվտանգության խորհրդին խնդրում է դատապարտել Իսրայելի հարձակումը։
«Եթե ՄԱԿ-ի Անվտանգության խորհուրդը դատապարտեր Դամասկոսում մեր դիվանագիտական հաստատությունների դեմ սիոնիստական ռեժիմի դատապարտելի ագրեսիվ գործողությունը, իսկ հետո պատասխանատվության ենթարկեր մեղավորներին, ապա Իրանի կողմից այդ սրիկա ռեժիմին պատժելու անհրաժեշտությունից հնարավոր կլիներ խուսափել»,– ասվում է հայտարարության մեջ:
Ամենադիտված 
Մնաս բարյավ. Րաֆֆի Հովհաննիսյան
