Ահա թե ինչն է կապում հայ և բելառուս ժողովուրդներին. Լուկաշենկոն շնորհավորել է ՀՀ Անկախության օրվա առթիվ
Աշխարհ
Բելառուսի նախագահ Ալեքսանդր Լուկաշենկոն ողջ բելառուս ժողովրդի և իր անունից շնորհավորել է Հայաստանի նախագահ Վահագն Խաչատուրյանին և երկրի բարեկամ ժողովրդին Անկախության օրվա առթիվ, հայտնում է Բելառուսի ղեկավարի մամուլի ծառայությունը, գրում է Sputnik-ը։
«Բելառուսը և Հայաստանը կապված են բարեկամական ամուր կապերով, ընդհանուր պատմությամբ, ավանդական ընտանեկան և քրիստոնեական արժեքներով»,- ասվում է շնորհավորանքում։
Երկրի ղեկավարը նշել է, որ բելառուս և հայ ժողովուրդներին միավորել է Հայրենական մեծ պատերազմում տարած հաղթանակը, Սպիտակի ավերիչ երկրաշարժի հետևանքների վերացումը, ինչպես նաև մասնակցությունը ինտեգրացիոն կառույցներին և սերտ գործընկերությունը։
Լուկաշենկոն վստահություն է հայտնել, որ ներկա պայմաններում գոյատևելու և հաջողությամբ զարգանալու համար անհրաժեշտ է միավորում և համագործակցություն։
«Մինսկը կշարունակի հանդես գալ Երեւանի հետ փոխադարձ հարգալից և կառուցողական երկխոսության ընդլայնման օգտին»,- ասել է նախագահը։
Բելառուսի ղեկավարը հայ գործընկերոջը մաղթել է քաջառողջություն և հաջող աշխատանք պետական պատասխանատու պաշտոնում, իսկ համայն հայությանը` խաղաղություն, բարօրություն և բարգավաճում:
ՈՒՂԻՂ ԵԹԵՐ
Ամենադիտված 
Պայթյուն՝ Երևանում․ Կան վիրավորներ
