Գերիների վերադարձի հարցը ներառված չէ խաղաղության պայմանագրի մեջ. Սիմոնյան

«Գերիների վերադարձի հարցը խաղաղության պայմանագրի մեջ ներառված չէ»,- Ազգային ժողովում հայտարարեց ԱԺ նախագահ Ալեն Սիմոնյանը։

Նա նշեց, որ այդ հարցը ներառված է  նոյեմբերի 9-ի հայտարարության մեջ, որտեղ ՌԴ-ն և Ադրբեջանը պարտավորվում են կազմակերպել այլ անձանց և գերիների վերադարձը, որը ՌԴ-ն և Ադրբեջանը այս փուլում չեն կատարում. «Արդյո՞ք սա նշանակում է, որ ՌԴ-ն և Ադրբեջանը նոյեմբերի 9-ի պայմանագրից իրենց ստորագրությունը հետ են կանչել, թե չէ։ Այս հարցը շատ կարևոր է»:

Հարցին, թե հնարավո՞ր է գերիների հարցը որպես նախապայման դիտարկվի Հայաստանի՝ COP29-ին մասնակցության դեպքում, Ա.Սիմոնյանն ասաց. «Նախ մի բան ֆիքսենք՝ Ադրբեջանը չի, որ COP29-ի հրավիրող կողմն է, դա ՄԱԿ-ի միջոցառումն է, հրավիրում է ՄԱԿ-ը, որովհետև դա այդ շրջանակներում է:

Երկրորդ՝ պետք է հասկանանք արդյոք մեր մասնակցությունը տեղին է, և արդյոք դա տեղի կունենա խաղաղաության պայմանագրի  հնարավոր կնքման պարագայում»։