Դոնալդ Թրամփը նշել է Քամալա Հարիսի հետ հեռուստաբանավեճերում ամենամեծ խնդիրը

Նախկին նախագահ, նախագահի հանրապետական թեկնածու Դոնալդ Թրամփը հայտարարել է, որ երեքշաբթի երեկոյան նախագահի դեմոկրատ թեկնածու Քամալա Հարիսի հետ իր հեռուստաբանավեճերի ամենամեծ խնդիրը կլինի այն փաստը, որ Հարիսը բազմաթիվ հարցերի վերաբերյալ տարիների ընթացքում փոխել է իր դիրքորոշումը:

«Դուք չգիտեք, թե ինչ սպասել: Նա տարիների ընթացքում փոխել է իր ամբողջ քաղաքականությունը»,- ասել է Թրամփը երեքշաբթի առավոտյան NBC News-ին հեռախոսով տրված հարցազրույցում: Միաժամանակ նա շեշտել է, որ այդպես «ընտրողների գիտակցության մեջ նրա վերաբերյալ ավելի հեշտ է որոշում ընդունել»։

«Դա զգալիորեն հեշտացնում է խնդիրը: Նրան այլևս չի կարելի վստահել»,- ասել է Թրամփը։

Երեքշաբթի երեկոյան տեղի ունեցած հեռուստաբանավեճը, որը հովանավորվում է ABC-ին, Թրամփի երկրորդ հեռուստաբանավեճն է 2024 թվականի ընտրապայքարում, սակայն իր նոր ընդդիմախոսի դեմ առաջինն է: Միաժամանակ այն նախագահի թեկնածուի կարիգավիճակով հանդես եկող Հարիսի համընդհանուր ընտրությունների առաջին հեռուստաբանավեճն է:

Թրամփի համար, իր բնորոշմամբ, բանավեճի օրը «հիանալի» զգացողությամբ է սկսվում։ ԱՄՆ նախկին նախագահի բանավեճի նախապատրաստական աշխատանքները նվազ ծավալուն և կառուցվածքային էին, քան այն, ինչ արեց Հարիսը, միաժամանակ վերջին երկու օրվա ընթացքում Թրամփի մասնակցել է ընդարձակ նիստերի, նշել է NBC News-ի աղբյուրը: