Հետաքրքիր փաստեր՝ Հյուսիսային Մակեդոնիա - Հայաստան հանդիպմանն ընդառաջ

Ազգերի լիգայի երկրորդ տուրում ֆուտբոլի Հայաստանի հավաքականը սեպտեմբերի 10-ին կհյուրընկալվի Հյուսիսային Մակեդոնիային։

ՀՖՖ-ի ֆեյսբուքյան էջը ներկայացրել է հետաքրքիր վիճակագրական փաստեր հանդիպմանն ընդառաջ։

Հայաստանի և Հյուսիսային Մակեդոնիայի հավաքականները հանդիպել են 13 անգամ։

4 անգամ հաղթել է Հայաստանի հավաքականը, 6 անգամ՝ հյուսիսմակեդոնացիները, ևս 3 հանդիպում ավարտվել է ոչ ոքի: Գոլերի տարբերությունը՝ 18:23

Առաջիկա հանդիպումը կլինի թիմերի միջև 7-րդ հանդիպումը Սկոպյեի «Տոշե Պրոեսկի» ստադիոնում։

Նախորդ 6 խաղերում 3 անգամ հաղթել են տանտերերը, 2 հանդիպում ավարտվել է ոչ ոքի, մեկ անգամ հաղթել է Հայաստանի հավաքականը:

Տոշե Պրոեսկի մարզադաշտում Հայաստանի ազգային հավաքականի կազմում առաջին գոլի հեղինակը Ռազմիկ Գրիգորյանն է (1995 թ.)։

Հյուսիսային Մակեդոնիայի հետ Հայաստանի հավաքականը բոլորից շատ հանդիպումներ է անցկացրել մրցակից 67 երկրների հավաքականներից:

Հայաստանի և Հյուսիսային Մակեդոնիայի հավաքակաները 5-րդ անգամ են մրցելու Ազգերի լիգայում՝ 2-ական հաղթանակ և պարտություն, գնդակների տարբերությունը՝ 6-4 հօգուտ Հայաստանի թիմի:

Հյուսիսային Մակեդոնիա - Հայաստան հանդիպումը կմեկնարկի Երեւանի ժամանակով 22:45-ին։