Կապիկի ծաղիկի դեմ պատվաստանյութը անցել է ԱՀԿ նախաորակավորումը
Արտակարգ Պատահար
Կապիկի ծաղիկի դեմ առաջին պատվաստանյութը՝ MVA-BN, նախաորակավորվել է Առողջապահության համաշխարհային կազմակերպության կողմից։ Այս մասին հայտնել է ԱՀԿ մամուլի ծառայությունը։
«Կապիկի ծաղիկի դեմ պատվաստանյութի այս առաջին նախաորակավորումը կարևոր քայլ է հիվանդության դեմ մեր պայքարում ինչպես Աֆրիկայում, այնպես էլ ապագայում բռնկումների դեպքում», - ասել է ԱՀԿ-ի գլխավոր տնօրեն Թեդրոս Ադհանոմ Գեբրեյեսը:
MVA-BN պատվաստանյութը կարող է տրվել 18 տարեկանից բարձր մարդկանց՝ չորս շաբաթվա տարբերությամբ երկու դոզայի ներարկումով:
korrespondent.net-ի հաղորդմամբ, ուսումնասիրությունները ցույց են տվել, որ MVA-BN մեկ դոզայի պատվաստանյութը, որը տրվում է վարակվելուց առաջ, 76%-ով արդյունավետ է մարդկանց պաշտպանելու կապիկի ծաղիկից: Պատվաստանյութի երկու չափաբաժիններով ցուցանիշը աճում է մինչև 82%:
Ավելի քան 120 երկիր հաստատել է կապիկների ծաղիկի ավելի քան 103 հազար դեպք 2022 թվականից ի վեր: Միայն 2024 թվականին աֆրիկյան 14 երկրներում գրանցվել է 25 հազար 237 կասկածելի և հաստատված դեպք և 723 մահ դեպք։
Ամենադիտված 
Ուժգին երկրաշարժ է տեղի ունեցել Թուրքիայում. քաղաքացիները խուճապահար դուրս են վազել փողոց
