Կինը հիվանդանոցում է հայտնվել այն բանից հետո, երբ նրա գլխին ծաղկակաղամբ է ընկել
Այլ
Անգլիայում կինը հայտնվել է հիվանդանոցում այն բանից հետո, երբ սուպերմարկետի դարակից նրա գլխին ընկել է ծաղկակաղամբ, գրում է Daily Mail-ը։
Տնային տնտեսուհի Սեմմի Մայը պատմել է, որ իրեն հոսպիտալացրել են այն բանից հետո, երբ խանութից գնումներ կատարելիս ծաղկակաղամբն ընկել է իր գլխին: Կնոջ խոսքով՝ բանջարեղենն ընկել է վերևի դարակից, և հարվածից նա կորցրել է գիտակցությունը։
Մայը հայտնել է, որ երբ ուշքի է եկել, ծաղկակաղամբը եղել է իր կողքին։ Կնոջը հիվանդանոց են տեղափոխել ուժեղ գլխացավով և ուղեղի ցնցման ախտանշաններով։ Խանութը որպես փոխհատուցում 25 ֆունտ ստերլինգ արժողությամբ վաուչեր է առաջարկել Մային, ինչը բրիտանուհուն զայրացրել է։
Սեմմին բողոք է ներկայացրել սուպերմարկետի հաճախորդների սպասարկման բաժին, սակայն նրանց խորհուրդ է տրվել դիմել իրավաբանի հետ՝ խնդիրը լուծելու համար:
«Ես ինձ շատ վատ էի զգում, ես դեռ տառապում եմ և չեմ կարող աշխատել»,- կիսվել է Մայը:
Աղբյուր` Փաստինֆո
ՈՒՂԻՂ ԵԹԵՐ
Ամենադիտված 
Ծեծկռտուք Մոսկվայի ռեստորաններից մեկում՝ հայտնի գործարարի և «Դոն Պիպոյի» միջև․ վերջինս թիկնապահի հետ փախուստի է դիմել (տեսանյութ)
