Ծովի ալիքների տակ թաքնված ջրիմուռային անտառները կամ «լամինարիայի» անտառները շատ կարևոր են Երկիր մոլորակի համար: Մարդիկ օգտագործում են ջրիմուռները որպես սնունդ, դրանք նաև օգտագործվում են բերքը պարարտացնելու համար, դեղամիջոցներ և մաշկի խնամքի միջոցներ ստանալու համար ավելացնելու, և վերջապես, մարդը շնչում է ջրիմուռների արտադրած թթվածնով: Այս մասին տեղեկատվությունը ներկայացնում է Հիդրոօդերևութաբանության և մոնիթորինգի կենտրոնը:
Արևմտուտքի գիտնականները վերլուծել և գնահատել են այս թաքնված ստորջրյա անտառների արժեքը հասարակության համար և պարզել են, որ դրանց կարևորությունը սպասվածից էլ ավելին է։
Շուրջ 740 միլիոն մարդ ապրում է ստորջրյա լամինարիայի անտառներից 50 կմ հեռավորության վրա: Այսինքն՝ այս ծովային համակարգերը կարևոր դեր են խաղում միլիոնավոր մարդկանց կենսապահովման գործում:
Օվկիանոսի ծառերը ոչ միայն բնակության վայր են ապահովում ծովային կենդանիների համար, այլև հսկայական դեր են խաղում սննդանյութերի համաշխարհային ցիկլերում: Այս բույսերը էներգիա և կյանք են հաղորդում Երկիր մոլորակին՝ հեռացնելով ածխաթթու գազը շրջակա միջավայրից և արտադրելով թթվածին:
Ավելին, ջրիմուռները սպառում են նաև այլ սննդանյութեր, ինչպիսիք են ազոտը և ֆոսֆորը, որպեսզի ապահովեն իրենց արագ աճը։ Նախկին հետազոտությունները ցույց են տվել, որ լամինարիայի անտառների աճը ավելի արագ է տեղի ունենում, քան ինտենսիվ գյուղատնտեսական մշակաբույսերինը, ինչպիսիք են բրինձը և ցորենը: Ջրիմուռները նաև բիովառելիք ստեղծելու և ափամերձ գծերը էրոզիայից պաշտպանելու անհավատալի ներուժ ունեն:
Բայց ինչպես մեզ շրջապատող աշխարհը, այնպես էլ ջրիմուռները պայքարում են գոյատևելու համար: Վերջին մի քանի տասնամյակի ընթացքում լամինարիայի բոլոր անտառների մոտ մեկ երրորդը մեծ կորուստներ է կրել: Ջերմային ալիքների և մոլեգնած ինվազիվ ծովային ոզնիների համադրությունը հանգեցրել է Կալիֆորնիայի ափերի մոտ գտնվող ստորջրյա անտառների անհետացմանը: Ավստրալիայի անտառները նույնպես վտանգված են: Նրանք տառապում են ջրի աղտոտվածությունից։
Համաշխարհային մասշտաբով լամինարիայի ստորջրյա անտառները միջին հաշվով տարեկան բերում են 500 միլիարդ դոլարի եկամուտ:
Գիտնականներն ամփոփում են. «Այս համակարգերի դոլարային արժեքի գնահատումը մի հնարք է, որը կօգնի մեզ հասկանալ դրանց հսկայական արժեքը: Հարկ է հիշել, որ այս անտառներն ունեն նաև պատմական, մշակութային և սոցիալական արժեք»:
Ամենադիտված 
Մնաս բարյավ. Րաֆֆի Հովհաննիսյան
