ՔՊ-ում երկու հոգի է կողմ քվեարկել Արփի Դավոյանի նախարար դառնալուն․ նրա թեկնածությունը չի հաստատվել. Factor.am

Factor.am-ը գրում է․ 

Հոկտեմբերի 9-ին տեղի է ունեցել «Քաղաքացիական պայմանագիր» կուսակցության վարչության նիստ, որը վարել է վարչության նախագահ, ՀՀ վարչապետ Նիկոլ Փաշինյանը։ Քննարկվել են կադրային բնույթի հարցեր։ Տեղեկությունը հայտնում է իշխող ուժի ֆեյսբուքյան էջը։

Factor.am-ին որոշ մանրամասներ են հայտնի դարձել նիստից։ Մասնավորապես, քննարկվել է նաև արդարադատության նախարարի թեկնածության հարցը և ՔՊ-ականները որևէ որոշման չեն եկել։ Այս տեղեկությունը Factor.am-ի հարցին ի պատասխան հաստատեց նաև կուսակցության վարչության փոխնախագահ Վահագն Ալեքսանյանը։

«Այս պահին վարչության կողմից հաստատված նախարարի թեկնածու չկա»,- ասաց նա։

Factor.am-ին հայտնի դարձավ, որ շրջանառվող բոլոր թեկնածուները ինքնաբացարկ են հայտնել, իր թեկնածությունը թողել է միայն պատգամավոր Արփի Դավոյանը։ Մեզ փոխանցված տեղեկությունների համաձայն՝ նրա թեկնածությանը երկու հոգի է կողմ քվերակել՝ Վահագն Ալեքսանյանն ու Սուրեն Պապիկյանը։

Այս տեղեկության վերաբերյալ Վահագն Ալեքսանյանն ասաց, որ հրապարակված հաղորդագրությանը ոչինչ չի կարող ավելացնել։ Նշենք, որ նախարարի պաշտոնի համար բազմաթիվ անուններ էին շրջանառվում՝ ՔՊ-ական պատգամավորներ Վլադիմիր Վարդանյան, Սիսակ Գաբրիելյան, Արուսյակ Ջուլհակյան, փաստաբան Տիգրան Եգորյան, ՄԻՊ Անահիտ Մանասյան։ ԱԺ-ում Արփի Դավոյանն էր հայտարարել, թե նախարարը պետք է ՔՊ անդամ լինի։

Հիշեցնենք, որ Արդարադատության նախարար Գրիգոր Մինասյանը հոկտեմբերի 1-ին ազատման դիմում է ներկայացրել։ ՔՊ-ական պատգամավորները, որոնց թվում են Արփի Դավոյանը, Անդրանիկ Քոչարյանը, Լուսինե Բադալյանը մինչ այդ ստորագրահավաք էին սկսել Մինասյանին հեռացնելու հարցով։ Ստորագրահավաքին միացել էր ընդհանուր 27 պատգամավոր։ Պատգամավորների հիմնավորումն այն էր, որ քաղաքացիները բողոքում են արդարադատության ոլորտում առակա խնդիրներից։

Նարեկ Կիրակոսյան

Այս թեմայով ՔՊ-ն մերժեց Արուսյակ Ջուլհակյանին, Արփի Դավոյանին և մյուսներին Արփի Դավոյանը հաղորդում է ներկայացրել դատավորներից մեկի դեմ․ «Փաստինֆո» Վահե Ստեփանյանից մինչև Արփի Դավոյան․ «Հրապարակ» Փաշինյանը ՔՊ-ում արդարադատության նախարարի ֆավորիտ չունի, իսկ Արփի Դավոյանն իր օգտին լոբբինգ է անում․ 168․am 171 դոլար վարկը չմուծած Արփի Դավոյանը բնակարան է գնել նորակառույց շենքում