Պետք է արվեր երեխաների աչքից հեռու. Նելլի Դուրյանը` երևանյան դպրոցում կատարվածի մասին

«Շատ տարբեր ձևեր կան բերման ենթարկելու. կարող էին դպրոցից տուն գնալու ճանապարհին նրան ձերբակալել, տնից տանել և այլն։ Խոսքը տեռորիստական ակտի մասին չէր, պետք է ոստիկանության անչափահասների հետ աշխատող տեսուչը մտներ դպրոց, տնօրենի մոտ հրավիրեր ու միասին դուրս գային դպրոցից, հետո էլ թեկուզ ԱԱԾ մեքենայով տեղափոխեին նրան»,– @ArmeniaSputnik-ի հետ զրույցում ասաց ՀՀ ոստիկանության անչափահասների իրավունքների պաշտպանության և ընտանեկան բռնության դեմ պայքարի վարչության նախկին պետը։

Նա հակված է մտածելու, որ ԱԱԾ–ականների ներխուժումը նախապես ոչ ճիշտ գնահատման հետևանք է։ Բայց արդյունքում երեխաները կարող են այնպիսի սթրես ապրել, որ գիշերը չկարողանան քնել կամ վախենան որոշ ժամանակ դպրոց մտնել։