Ո՞ր երգի ներքո են մարդիկ նախընտրում մեռնել

Ամենապահանջված երգը, որը մարդիկ ցանկանում են լսել իրենց մահվան մահճում կամ հուղարկավորության ժամանակ, Ֆրենկ Սինատրայի «My Way»-ն է, գրում է NYP-ն։

Այս եզրակացությանն է հանգել Marie Curie բարեգործական կազմակերպությունը՝ հիմնվելով իր անցկացրած հարցման արդյունքների վրա։

Սինատրայի հիթին հաջորդում են Ուիթնի Հյուսթոնի «I Will Always Love You» եւ Թինա Թերների «Simply The Best» երգերը։

Լավագույն 10-յակի մյուս երգերից են Սինդի Լաուպերի «Girls Just Wanna Have Fun»-ը եւ Լուի Արմսթրոնգի «What a Wonderful World» երգը:

«Անբուժելի հիվանդ լինելը, ցավը եւ մահվան վախը կարող են հանգեցնել անզորության եւ մեկուսացման, նույնիսկ այն դեպքում, երբ ընտանիքն ու ընկերները մոտ են»,-ասում է երաժշտական թերապիայի փորձագետ եւ Քուինսի համալսարանի Բելֆաստի պատվավոր ավագ գիտաշխատող դոկտոր Թրեյսի Մաքքոնելը:

«Երաժշտությունը կարող է օգնել մարդկանց արտահայտել իրենց զգացմունքները եւ ավելի լավ զգալ՝ անկախ նրանց առողջական կամ էմոցիոնալ վիճակից»,-հավելում է նա:

Ահա 10 երգ, որոնք մահամերձ մարդիկ լսում են իրենց կյանքի վերջին րոպեներին։

My Way-Ֆրենկ Սինատրա

I Will Always Love You-Ուիթնի Հյյուսթոն

(Simply) The Best-Թինա Թերներ

Wver The Rainbow-Ջուդի Գարլենդ 

Gils Just Want to Have Fun-Սինդի Լաուպեր 

Angels-Ռոբի Ուիլյամս

What A Wonderful World-Լուի Արմսթրոնգ 

Beautiful-Քրիստինա Ագիլերա

Hey Jude-The Beatles

These Are The Days Of Our Lives-Queen

Մասնակիցների գրեթե 84%-ը` մահացածի ընկերներն ու ընտանիքի անդամները, կարծում էին, որ երաժշտությունը հանգստացնում է իրենց սիրելիներին վերջին պահերին: Մոտ 61%-ն ասել է, որ երաժշտությունը նաեւ օգնում է նրանց թեթեւացնել անհանգստությունն ու զգացմունքային սթրեսը:

News.am