Գնում են ապօրինությունների, որ ներողություն չխնդրեն Ռոբերտ Քոչարյանից․ Լևոն Քոչարյան

Լևոն Քոչարյանի խոսքով՝ նրանք անգամ չգիտեն ինչ հոդվածով է մեղադրանք առաջադրվել։

Այն հարցին, թե ինչու են գնում այս քայլին, եթե ամեն դեպքում վաղեմության ժամկետ է անցել, պատգամավորը հայտարարեց․ «Եթե նրանք չգնան այս քայլին, փաստորեն պետք է ներողություն խնդրեին և կստացվի հայրս մոտ 1․5 տարի նստել է հակասահմանադրական հոդվածով։ Այնպես որ, իրենք պետք է ներողություն խնդրեին։ Այսինք, նրանք ամեն գնով այսքան ապօրինությունների գնում են, որ դա չանեն ինչ-որ պիտի անեին, երկրորդն էլ ավելորդ քաշքշուկ ստեղծել, թե մեր համար, թե մեդիայի համար առիթ ստեղծել նորից խոսելու, ինչ-որ բաներ հիշեցնելու։ Սա անում են մարդիկ, ում պատճառով հայրենիքի մի մեծ մաս ենք կորցրել, հազարավոր մարդիկ են զոհվել, բայց փորձում են 16 տարվա դեպքերը, որոնց առանցքային դերակատարներ էին նաև հենց իրենք, ակտիվ պահել։ Շոուի մի մաս է»,- նշեց Լևոն Քոչարյանը։ 

Նշենք, որ Հակակոռուպցիոն դատարանում արդարացումից 3 տարի անց վերաբացվել ու քննվում է ՀՀ 2-րդ նախագահ Ռոբերտ Քոչարյանի, ՀԱՊԿ նախկին քարտուղար Յուրի Խաչատուրովի, նախկին փոխվարչապետ Արմեն Գրիգորյանի և նախկին ՊՆ նախարար Սեյրան Օհանյանի վերաբերյալ քրեական գործը։ Վճռաբեկ դատարանը դատարանը բեկանել էր Ռոբերտ Քոչարյանի, Յուրի Խաչատուրովի, Սեյրան Օհանյանի և Արմեն Գևորգյանի գործը կարճելու վերաբերյալ դատավոր Աննա Դանիբեկյանի որոշումը։