ՀՀ իշխանությունների ոչ կոշտ դիրքորոշումն է Բաքվից հնչող պահանջների պահանջը. Գագիկ Բաղունց

«Բազմիցս ասել ենք, որ Ադրբեջանի հետ բանակցություններում Հայաստանի իշխանությունների քաղաքականությունը չի բերի այս կամ այն աստիճանի շատ կամ քիչ խաղաղության պայմանագրի ստորագրմանը։ Ինչ վերաբերում է Բաքվի բանտում պահվող մեր գերիների ճակատագրին, ապա այստեղ նույնպես Հայաստանի իշախնությունների քաղաքականությունը բավականին ադեկվատ չէ ստեղծված իրավիճակին և նման մոտեցումները, ՀՀ կողմից կոշտ պահանջների բացակայությունը նպաստում է, որ Ադրբեջանը նոր պահանջներ է ներկայացնում, որոնք գնալով խորանալու են»,- այս մասին այսօր «Ազատե՛ք Բաքվում պահվող հայ ռազմագերիներին» բողոքի ակցիայի ժամանակ լրագրողների հետ զրույցում ասաց Ադրբեջանի կողմից օկուպացված Արցախի Հանրապետության ԱԺ նախագահ Գագիկ Բաղունցը։

Ըստ նրա՝ նման ակցիաները պահանջված և անհրաժեշտ են, և հայկական կողմի պարտքն է գոնե նման ակցիաներով հնչեցնելու պահանջները։ 

«Բայց եթե հիմքում չենք ունենում պետական մակարդակով՝ մոտեցուներն ու դիրքորոշումները ակցիաների էֆեկտիվությունը կորում է։ Քանի որ մոտ մեկ ամսից COP29-ի միջոցառումներն են, որը տեղի կունենա Բաքվում, միջազգային հանրության ուշադրությունը այդ միջոցառմանը պետք է զուգորդվի մեր պահանջների հստակ ներկայացմամբ, որ չունենալով հենարան մեր իշխանությունների կողմից գոնե օգտվենք առիթից։ ՀՀ իշխանությունները պետք է վերանայեն իրենց մոտեցումները և իրենց ակտիվ մասնակցություն ունենան արցախահայության իրավունքների և հավաքական վերադարձի Արցախ»,- նշեց Բաղումյանը։