Ի՞նչ էր անում պատասխանատու սպան, երբ զինվորին հասցնում էին ինքնասպանության. MediaHub

Հոկտեմբերի 6-ին Պաշտպանության նախարարությունը գուժեց բանակում ոչ մարտական պայմաններում ևս մեկ զոհի մասին։ Վահե Հարությունյանը Մեղրի համայնքի Ագարակ քաղաքից է, ծառայում էր Վարդենիսի զորամասում։ MediaHub-ը փորձեց կապ հաստատել հոկտեմբերի 6-ին զոհված զինծառայողի ընտանիքի հետ, սակայն, հարազատների հոգեվիճակով պայմանավորված, պահեստազորի սպա Արթուր Մինասյանի հետ խոսեցինք։

«Ոչ մարտական պայմաններում զոհերի թիվն այս տարի արդեն հասել է 3 տասնյակի, և սա խոսում է զինված ուժերի ղեկավարության անգործության, բանակում տիրող կրիմինալ մթնոլորտի ու բարձիթողի վիճակի մասին։ Միայն գրում են, թե՝ դեպքի հանգամանքներն ամբողջովին պարզելու նպատակով ընթանում է քննություն, որն այդպես էլ մնալու է տարիներով»,- նշեց նախկին զինվորականը։ 

Մեր զրուցակիցը նշեց, որ քննությունից առաջ, որպես նախնական վարկած, նշում են ինքնասպանությունը։ 

«Սա ևս սխալ է։ Ու ընդհանրապես, այս երկրում ամեն ինչ սխալ է։ Վահեի օրինակով ասեմ․ բավականին համեստ ընտանիքից, խելացի, անչափ բարի տղա էր։ Ո՞ւր են մեր սպաները, ինչի՞ տեր չեն կանգնում զինվորներին, ի՞նչ էր անում պատասխանատու սպան, երբ էդ սրտի տեր մարդուն հասցնում էին ինքնասպանության»,- ընդգծեց մեր զրուցակիցը։

Հունան Թադևոսյան