Սևամորթների՝ Թրամփի թեկնածությանն աջակցությունն անընդունելի է․ Օբամա

ԱՄՆ նախկին նախագահ Բարաք Օբաման հայտարարել է, որ սևամորթների՝ նախագահի թեկնածու Դոնալդ Թրամփին աջակցությունն «անընդունելի է»։

Օբաման ասել է, որ ինքը չի տեսնում «նույն էներգիան և մասնակցությունը թաղամասերում և համայնքներում», ինչ տեսնում էր, երբ ինքն էր առաջադրվում:

Նա դա բացատրել է մասամբ այն հանգամանքով, որ այն ժամանակ այդ խնդիրը «ավելի ցայտուն» էր սևամորթ տղամարդկանց համար, բայց կարծիք է հայտնել, որ այժմ նրանք «պարզապես չեն պաշտպանում կին նախագահ ունենալու գաղափարը և այլ պատճառներ են բերում դրա համար»։

«Մեր կյանքի կանայք այս ամբողջ ընթացքում մեր թիկունքին են։ Երբ մենք փորձանքների մեջ ընկանք, և համակարգը մեզ մոտ չէր աշխատում, նրանք էին երթով և բողոքի ակցիաներով հետևում մեզ: Եվ հիմա դուք մտածում եք հեռու մնալու կամ աջակցելու մասին մեկին, ով ձեզ վատ դրության մեջ է դրել անցյալում, քանի որ կարծում եք, որ դա ուժի նշան է, քանի որ դա է նշանակում լինել տղամարդ: Նվաստացնե՞լ կանանց։ Սա անընդունելի է»,- ընդգծել է նախկին դեմոկրատ նախագահը։

Օբաման հրապարակայնորեն պաշտպանել է Քամալա Հարիսի թեկնածությունը ԱՄՆ նախագահի պաշտոնում։ Իր կնոջ՝ Միշել Օբամայի հետ հեռախոսազրույցի ժամանակ նրանք Հարրիսին ասել են, որ նա «ԱՄՆ-ի ֆանտաստիկ նախագահ է լինելու» և վստահեցրել է, որ դեմոկրատն «իրենց լիակատար աջակցությունն ունի»։