Անտարկտիդայում առեղծվածային «դուռ» է հայտնաբերվել

Անտարկտիդայում դուռ հիշեցնող առարկա է հայտնաբերվել, որը կարող է տանել դեպի Հիտլերի գաղտնի բունկերը։ «Московский комсомолец»-ը հայտնում է սոցցանցերում անհայտ օբյեկտի նկատմամբ հետաքրքրության աճի մասին։

Google Earth-ում օգտատերերը նկատել են մի առարկա, որին շուտով անվանել են «դուռ»: Օբյեկտի կոորդինատները, որը գտնվում է ճապոնական Showa Station կայարանից հարավ-արևմուտք, «69°00’50″S 39°36’22″E» է:

Օգտատերերը կասկածի տակ չեն դնում օբյեկտի իսկությունը, քանի որ իրական արբանյակային պատկերներ են հրապարակվում Google Earth-ում։ Այնուամենայնիվ, կարծիքները տարբեր են, թե ուր է տանում այդ «դուռը»։ Ոմանք ենթադրում են, որ սա այլմոլորակայինների թողած հետք է, իսկ մյուսները կարծում են, որ դա նացիստների կառուցած գաղտնի բազայի մուտքն է։

Վերջինս բացատրվում է լեգենդով, կապված այն բանի հետ, որ Երրորդ Ռեյխը կարծում էր, որ Անտարկտիդայի ձյան տակ թաքնված են այլմոլորակայինների ստորգետնյա քաղաքներ։

Նմանատիպ լեգենդի համաձայն՝ Հիտլերին այնտեղ են տեղափոխել 1945 թվականին Եվա Բրաունի հետ միասին։

Մասնագետները կարծում են, որ «դուռը» սառցե բլոկ է, որը ձևավորվել է լանջին սառույցի շերտավորման արդյունքում։ Մեկ այլ վարկածի համաձայն՝ դա այսբերգի բեկոր է։