Ադրբեջանում փոքրամասնությունների իրավունքները բարելավման կարիք ունեն․ Եվրոպայի խորհուրդ

Եվրոպայի խորհուրդը նոր զեկույց է հրապարակել, որում գնահատվում է Ադրբեջանում ազգային փոքրամասնությունների իրավունքների հետ կապված իրավիճակը և առաջին անգամ ուշադրություն է դարձվում հակամարտությունից հետո Արցախին։

Իրավունքներ և ազատություններ

Ադրբեջանը պնդում է, որ հավատարիմ է մուլտիկուլտուրալիզմին, սակայն խոսքի, հավաքների և ասոցիացիաների ազատությունների սահմանափակումները խոչընդոտում են ազգային փոքրամասնությունների իրավունքների իրացմանը։

 Հայերի վերադարձը Լեռնային Ղարաբաղ

• Խորհուրդ է տրվում պայմաններ ստեղծել հայ տեղահանվածների անվտանգ և կայուն վերադարձի համար:
• Անհրաժեշտ է գույքային հարցերը լուծելու համար մեխանիզմ։

Մշակութային ժառանգություն
• Կոչ է արվում պաշտպանել հայկական հուշարձանները և հետաքննել դրանց ոչնչացման դեպքերը։

Հաշտեցում և պայքար ատելության դեմ

Եվրոպայի խորհուրդն ընդգծում է ազգամիջյան ատելությունը դատապարտելու և հաշտեցման համար պայմաններ ստեղծելու անհրաժեշտությունը։

Զեկույցում նշվում է նաև, որ Ադրբեջանի ռազմական գործողությունից հետո ավելի քան 100.000 հայեր լքել են Լեռնային Ղարաբաղը։

Ադրբեջանն արդեն մեկնաբանել է Ազգային փոքրամասնությունների պաշտպանության մասին Եվրոպայի խորհրդի շրջանակային կոնվենցիայի եզրակացությունը.

«Խորհրդատվական կոմիտեի ընտրովի մոտեցումը, որը կենտրոնանում է հայկական էթնիկ խմբի վրա, անտեսելով մյուս էթնիկ խմբերին և չափից դուրս հենվելով անհայտ աղբյուրներից ստացված տեղեկության վրա՝ առանց համապատասխան օրինակներ բերելու, միանգամայն հստակ ցույց է տալիս նշված կոմիտեի կողմնակալ մոտեցումը», - ասվում է Բաքվի մեկնաբանության մեջ։