Էստոնիան Պուտինի հետ Շոլցի հեռախոսազրույցը «ռազմավարական սխալ» է որակել

Ռուսաստանի նախագահ Վլադիմիր Պուտինի հետ Գերմանիայի կանցլեր Օլաֆ Շոլցի հեռախոսազրույցը «ռազմավարական սխալ էր, որը թուլացրեց եվրոպական միասնությունը՝ հանձին Ուկրաինայի դեմ Ռուսաստանի պատերազմի», երկուշաբթի հայտարարել է Էստոնիայի արտգործնախարար Մարգուս Ցահկնան։

Բրյուսելում Եվրամիության արտգործնախարարների հանդիպման շրջանակում Reuters-ին տված հարցազրույցում Ցահկնան հույս է հայտնել, որ Շոլցի կոչի վերաբերյալ միջազգային քննադատությունն այլ եվրոպական առաջնորդներին կխանգարի, որ Պուտինի հետ բանակցություններ վարեն:

Սակայն Ցահկնան, որի երկիրը Ուկրաինայի ամենաուժեղ աջակիցներից է և Մոսկվայի ամենակատաղի քննադատներից մեկը, ասում է, որ Շոլցի կոչը խաթարում է Պուտինին մեկուսացնելու Արևմուտքի ջանքերը:

«Դա ռազմավարական սխալ էր: Մենք սկզբունքային պայմանավորվածություն ունեինք, որ Պուտինին մեկուսացած կպահենք»,-շեշտել է նա:

Ըստ Էստոնիայի ԱԳՆ ղեկավարի՝ այդ դիրքորոշումը պետք է պահպանվի այնքան ժամանակ, մինչև Պուտինը պատրաստակամություն կցուցաբերի՝ մասնակցելու կառուցողական բանակցություններին և Ուկրաինայից իր զորքերը դուրս բերելու համար։

Սակայն Պուտինն այժմ անում է ճիշտ հակառակը, ասել է Ցահկնան՝ նշելով, որ Ռուսաստանը Շոլցի կոչին հաջորդած օրերի ընթացքում ձեռնարկեց վերջին ամիսների ընթացքում Ուկրաինայի վրա իր ամենադաժան հարձակումներից մեկը: «Դա ուղղակի թուլացրեց մեր միասնությունը և մեր դիրքերը»,- հավելել է նա:

Աղբյուր` news.am